මරණය සොයමි..

සැඟවුණු කඳුළු බිඳුවක පිහි පහර        වැද
වැගිරෙන රුහිරු සමඟින් පවු ගෙවයි   හද
තනිකම මකන මුත් පාලුව ළඟින්         හිඳ
පෙර තනි මැකූ ඇය මා ලඟ නොමැත   අද
…
පන්හිඳ අනියි කටු අත්තක් වී                හදට
පුන්සඳ පවා සෝ දසුනකි මගෙ        ලොවට
ඉන්නද කෙසේ ඇය වෙන් වුනි පෙර   පවට
දැන් ලද දෙයින් සැනසෙනු මිස නන්   කුමට
…
ඇය හෙලු බැලුම් සිහිවෙයි නිල් දෙනෙත  අයා
කන්කලු සිනාවන් සොයනෙමි කොහෙද  කියා
දැන් මා කෙසේ සැනසෙන්නද දෙ ඇස     පියා
ඇය ගිය ලොවට ඈ මගෙ හද අරන්          ගියා
…
උණුසුම් කඳුළු බිඳුවකි නෙත සිප      ගන්නේ
කොතරම් වැළපුණත් ඇය නෑ යළි    එන්නේ
රුදු සිහිනයෙන් කෙළෙසද මා   පිබිදෙන්නේ
මරණය සොයමි, අද මා ඔබ වෙත     එන්නේ